Contoh Resensi buku novel Sunda: Si Pucuk Kalumpang

Tugas Bahasa Sunda

Disusun oleh :

Nada Syifa Fajria

Novita Rizky Ayu

Widia Hamidah

                        

Kelas : IX-J

Smp Negeri 5 Cimahi

Si Pucuk Kalumpang

Tema : Pikasediheun

Tokoh :

Ki Waruga, Ambu Waruga, Si Jelug (Hayam), Nini Paraji, Si Pucuk Kalumpang, Raja, Patih

Panokohan :

-          Ki Waruga : gurat batu, hese dibejaan.

-          Ambu Waruga : babari ceurik, bageur, geulis.

-          Nini Paraji : sok nulungan batur, bageur, pinter.

-          Si Pucuk Kalumpang : geulis, polos, bageur.

-          Raja : bageur, someah.

-          Si Jelug : rakus, tiasa nyarios, sok ngadu domba.

-          Patih : sok babarengan sareng raja, bageur.

Galur :

Mundur, Maju.

Latar waktu :

Pagi, beurang, sore, peuting.

Latar tempat :

Di tengah leuweung, di imah, di kerajaan.

Amanat :            

-        Lamun misalna gaduh budak, kuduna mah diurus lain dibunuh.

-         Lamun hoyong dibageuran kubatur, kudu bageur kasasaha.

-         Kedah jadi jalmi anu tanggung jawab.

-         Kedah saling nulungan kasasaha oge.

-         Kedah patuh ka orang tua.

resume :

Si Pucuk Kalumpang

        Pada jaman baheula, aya hiji kerajaan anu teu gede-gede teuing. Ari kahirupan rahayatna mah rereana tina tani. Aya hiji patani anu ngaranna Ki Waruga nu boga imah teu gede-gede teuing. Ki Waruga sok ngagarap tanah, bubuara ka dayeuh, nyiar pagawean pikeun nambah-nambah panghasilan. Ki Waruga sok ngadu hayam jeung anu resep di aduna teh nyaeta si Jelug-Si hayam kasayangan-.

        Ki Waruga gaduh istri nu namina Ambu Waruga nu keur hamil bulan alaeun. Ki Waruga gaduh amanat ka istrina mun gaduh budak lalaki kudu diasuh, ngan lamun budakna awewe kudu dibunuh jeung dicacag keur parab si Jelug. Da soalna ceunah bakal ngariweuhkeun kahirupan Ki Waruga.

        Hiji poe keur usum paceklik, Ki Waruga indit ka dayeuh bade neangan pagawean. Isukna beuteung ambu waruga karasa lamun si jabang teh gugurinjalan siga nuhayang kaluar. kabeuneuran Nini Paraji ka hareup imah Ambu Waruga. Nini Paraji teh nulungan Ambu Waruga anu bade ngalahirkeun. Saeunggeus ngalahirkeun kabeneran budak na awewe anu geulis. Ambu Waruga cirambay kaingetan amanat salakina amun budakna awewe kudu di bunuh, pas bingung kudu kumaha, tah Nini Paraji gaduh ide lamun budakna diurus ku Nini Paraji teras anu dicacagna nyaeta tali ari-ari jeung bali-na.

Si orokna di bere ngaran Pucuk Kalumpang teras di bawa ka leuweung sabab imah Nini Paraji aya di leuweung. Si Pucuk Kalumpang di timang-timang ku Nini Paraji, dipikanyaah nepi ka gede.

Ki Waruga uih ti dayeuh. Pas nepi ka imah, Ki Waruga ningal beuteung Ambu Waruga anu tos kempes. Ki Waruga teh nanya ka istrina, "Ari orokna lalaki atawa awewe?" Ambu waruga teh ngabohong lamun anakna teh tos dicacag teras dibikeun ka si Jelug.

Ki Waruga indit ka kandang si Jelug, tah si Jelug ngomong lamun manehna teu acan ngadahar orok. Ki Waruga ambek, teras nitah Ambu Waruga neang anakna tea nu tos dipiceun ka leuweung. Ambu Waruga teh indit we ka Leuweung keur neangan si Pucuk Kalumpang, tapi ngan diuk di batu keur mikiran anakna.

Sababaraha kali Ambu waruga tos indit kaleuweung keur diuk di batu keur nenangkeun hatena, tah lamun poe tos sore Ambu waruga mulang ka imahna. Ki Waruga poe ka poe bedog asaheun keur nyacag si anakna teh beuki seueur, teras bedog anu tos diasah teh sok diasah deui nepi ka seukeut pisan.

Hiji poe, Ambu waruga indit ka leuweung lain keur diuk di batu tapi indit ka imah Nini Paraji tea, da soalna Ki Waruga tos ambeuk pisan. Ambu Waruga ngajak balik si Pucuk Kalumpang ka imah da bapana tos balik mawa gengge, gelang, kongkorong, gengge tuur keur Si Pucuk Kalumpang tea.

Tos sababaraha poe si Pucuk kalumpang nolak ajakan indungna. Soalna Pucuk Kalumpang teh bade nyieun sarung dina kapas anu ditenun sorangan. Hiji poe, Pucuk Kalumpang daeukeun dibawa balik ku indungna, sabab sarung jieunannana teh tos anggeus.

Pas nepi di imah, Pucuk Kalumpang ku bapana langsung dititah naek ka taraje anu tincakeunnana teh tina bedog asaheun tea. Si pucuk kalumpang teh langsung nurut kana titaheun Ki Waruga. Mimitina dampal sukuna potong, teras tuurna, cangkeungna, dadana, teras sirahna. Teras, daging si Pucuk Kalumpang didaharan ku si Jelug. Tulang si Pucuk Kalumpang dikumpulkeun ku Ambu Waruga teras dikuburkeun di tengah leuweung.

Kacaturkeun aya hiji Raja anu sok ngimpi tepung jeung hiji putri nu kacida geulis na. Hiji poe, Raja jeung Patih na angkat ka leuweung bade moro sato. Kanjeung Patih nitih kuda bodas, kanjeung Raja nitih kuda dawuk meles. Teras aya uncal nu ranggah tanduk na ngaliwat, teras lumpat. Kanjeung Raja jeung kanjeung Patih teh nuturkeun eta uncal. Sanajan tanduk na ranggah tapi eta uncal teh taninggas pisan, teras uncal eta teh leungit.

Tos lila neangan, eta uncal teh masih keneh teu kapanggih. Raja jeung Patih teh calik di batu, teras ninggali kuburan anu anyar keneh. Langsung dibongkar eta kuburan teh, dijerona aya sarung anu isina tulang-tulang Si Pucuk Kalumpang.

Aya manuk nu nitah Raja ceunah hirupan eta Putri Geulis teh. Kanjeung Raja langsung nitah Patih keur ngahirupkeun eta tulang teh. Mimiti tulang-tulang bubuk teh jadi tulang asli, jadi hiji rorongkong anu aya kulitan jeung dagingan. Patih teh langsung mapatkeun jampe deui, eta jasad teh jadi jelema anu hirup sapenuhna. Si Raja ngomong lamun eta jelema teh anu sok di impikeun ku raja. Si Pucuk Kalumpang di titah nyarita kunaon beut bisa jadi bubuk tulang. Sanggeus ngadenge carita Pucuk Kalumpang, Raja sedih teras ngawinan si Pucuk Kalumpang.

Kanjeung Raja ngadakeun pesta tujuh dinten tujuh wengi. Nyi Pucuk Kalumpang dipikaasih ku Raja. Ambu Waruga jeung Nini Paraji diangkir ka nagara. Ai Ki Waruga mah dibere hukuman nu kacida beuratna. Si Jelug mah di cacag tuluy diaurkeun ka laut.

Ti harita Nyi Pucuk Kalumpang hirup bagja jadi prameswari kangjeung Raja, ngariung jeung indung-indungna—Ambu Waruga jeung Nini Paraji nu nyaaheun ka manehna.